ශ්රී ලංකා ප්රමිති ආයතනය (SLSI) විසින් පවත්වනු ලබන, ආයතනික විශිෂ්ටත්වය සඳහා ශ්රී ලංකාවේ විශිෂ්ටතම සම්මාන උළෙල වන ශ්රී ලංකා ජාතික තත්ත්ව සම්මාන 2023 (SLNQA) හිදී, හලාල් කවුන්සිලය (HAC) කුසලතා සම්මානයකින් පිදුම් ලැබීය.
2025 නොවැම්බර් 11 වන දින පැවති මෙම සම්මාන ප්රදානෝත්සවය, විද්යා හා තාක්ෂණ අමාත්ය ගරු මහාචාර්ය ක්රිෂාන්ත අබේසේන මහතාගේ ප්රධානත්වයෙන් පැවැත්විණි. ගුණාත්මකභාවය, නවෝත්පාදනය සහ අඛණ්ඩ වැඩිදියුණු කිරීම් සඳහා කැපවෙන රාජ්ය හා පෞද්ගලික අංශයේ සංවිධාන ඇගයීම මෙම උත්සවයෙදී සිදු කෙරිණි.
මෙම සම්මානය පිළිබඳ HAC හි අධ්යක්ෂ සහ ප්රධාන විධායක නිලධාරී ආකිෆ් වහාබ් මහතා මෙසේ ප්රකාශ කළේය. “මෙම සම්මානය, අපගේ සමස්ත කණ්ඩායමේ කැපවීම සහ වෘත්තීයභාවය උදෙසා කරන ලද උපහාරයකි. එය ජාත්යන්තරව පිළිගත් සහතිකකරණ ප්රමිති තහවුරු කිරීමට HAC සතු කැපවීම යළිත් තහවුරු කරයි. මෙම ප්රයත්නයන් තුළින් ශ්රී ලාංකීය හලාල් සහතික ලත් ආහාර පාන නිෂ්පාදකයින්, ආහාර සුරක්ෂිතතාව සහ ගුණාත්මකභාවය අඛණ්ඩව තහවුරු කරමින්, දේශීය හා ගෝලීය වශයෙන් පාරිභෝගිකයින්ට සේවය සැපයීමට සූදානම්ව සිටියි.”
දේශීය හා ජාත්යන්තර වෙළෙඳපොළ සඳහා හලාල් ප්රමිතීන්ට අනුකූලව ශ්රී ලාංකීය නිෂ්පාදන සහතික කිරීමේදී HAC ප්රධාන කාර්යභාරයක් ඉටු කරයි. කවුන්සිලයේ ශක්තිමත් තක්සේරු පද්ධති සහ ISO පාදක කරගත් ප්රමිතීන් නිසා ශ්රී ලාංකීය නිෂ්පාදකයින්ට නව ගෝලීය වෙළෙඳපොළට ප්රවේශ වීමට සහ සහතික ලත් භාණ්ඩ පිළිබඳ පාරිභෝගික විශ්වාසය ඉහළ නැංවීමට උපකාරී වී ඇත.
2024 වසරේදී, ශ්රී ලංකාවේ හලාල්ස හතික ලත් නිෂ්පාදන අපනයනය ඇමරිකානු ඩොලර් බිලියන 1.9ක් ලෙස ඇස්තමේන්තු කර ඇති අතර, එය සමස්ත ආහාර හා පාන අපනයනයෙන් සියයට 63ක් සහ ජාතියේ සමස්ත අපනයනයෙන් සියයට 16ක් නියෝජනය කරයි. මෙම දායකත්වය රටේ අපනයන ආර්ථිකය ඉදිරියට ගෙන යාමේදී විශ්වාසනීය සහතිකකරණයෙහි වර්ධනය වන වැදගත්කම අවධාරණය කරයි.
ශ්රී ලංකා ජාතික තත්ත්ව සම්මාන හොඳම භාවිතයන් බෙදාහදා ගැනීම, නවෝත්පාදනයන් පෝෂණය කිරීම සහ ජාතික වර්ධනය උදෙසා විශිෂ්ටත්වය ළඟා කර ගැනීමට ආයතන පෙළඹවීම සඳහා වූ වේදිකාවක් ලෙස අඛණ්ඩව සේවය කරයි.
ඡායාරූප විස්තරය
ගරු අමාත්ය මහාචාර්ය ක්රිෂාන්ත අබේසේන මහතා විසින් හලාල් කවුන්සිලයට (HAC) සම්මානය පිරිනැමූ අවස්ථාව.
වමේ සිට දකුණට: අෂ් ෂෙයික් බාසිත් (අභ්යන්තර අනුකූලතා කළමනාකරු – HAC), නෆාස් මහතා (තත්ත්ව සහතික කිරීමේ ප්රධානී – HAC), නාරංගොඩ මහත්මිය (නියෝජ්ය අධ්යක්ෂ ජනරාල් – SLSI), මහාචාර්ය තීක්ෂණ මහතා (සභාපති – SLSI), ආකිෆ් මහතා (අධ්යක්ෂ – ප්රධාන විධායක නිලධාරී – HAC), ගරු අමාත්ය, ප්රදීප් මහතා (අග්රාමාත්ය ලේකම්), රුෂ්ඩි මහතා (ගණකාධිකාරී – HAC), සාකීර් මහතා (ජ්යෙෂ්ඨ විධායක – HAC), ආචාර්ය සිද්ධිකා මහත්මිය (අධ්යක්ෂ ජනරාල් – SLSI), නීලකාන්ති මහත්මිය (නියෝජ්ය අධ්යක්ෂ ජනරාල් – SLSI).