ශ්‍රී ලංකාවේ පළමුවරට කෘත්‍රිම බුද්ධිය සහ යන්ත්‍ර ආශ්‍රිත ඉගෙනුම් කේන්ද්‍ර ගත Incubator වැඩසටහනක් වන ChallengerX පසුගියදා සාර්ථකව සමාප්තිය සනිටුහන් කරන ලදි. IFS හා Hatch සහයෝගීත්වයෙන් ක්‍රියාත්මක කරන ලද මෙම වැඩසටහනේ දී කණ්ඩායම් හයක් අතරින් ජයග්‍රහණය කරන ලද කණ්ඩායම් දෙකක් වෙත රුපියල් මිලියන 2කට අධික ත්‍යාග මුදලක් පිරිනමන ලදී. ජාත්‍යන්තරය තුළ වේගයෙන් වර්ධනය වන තාක්ෂණික කුසලතා වලට සාපේක්ෂව මෙරට තරුණ තරුණියන්ගේ තාක්ෂණික කුසලතා භාවිතය ඉහළ නැංවීම මෙම වැඩසටහනේ මූලික අරමුණ විය.
IFS ආයතනය විසින් දේශීය තාක්ෂණික කුසලතා ජාත්‍යන්තරය හා සම්බන්ධකිරීමේ විවෘත නවෝත්පාදන ක්‍රියාකාරකම්වල ඇති වැදගත්කම මෙම වැඩසටහන මඟින් මැනවින් සනිටුහන් කරන ලද අතර, ඕනෑම සමාගමකට ගෝලීය පාරිභෝගික පදනම වර්ධනය කිරීමේදී නව්‍ය විසඳුම් ලබා දීම සඳහා බාහිර මූලාශ්‍ර භාවිතා කිරීමේ හැකියාවද මෙමඟින් පෙන්වා දෙන ලදී. ස්වභාවික විපත් වැනි අනපේක්ෂිත සිදුවීම්වලට මුහුණ දෙන විට සිය ගෝලීය ගනුදෙනුකරුවන් වෙනුවෙන් ව්‍යාපාර අඛණ්ඩතාව වැඩි දියුණු කිරීම සඳහා පුරෝකථන ආකෘති පද්ධතියක් සැලසුම් කිරීම IFS ආයතනය විසින් මෙහිදී තරඟකරුවන්ට ඉදිරිපත් කරන ලද අභියෝගය විය. වැඩසටහන වෙනුවෙන් ඉදිරිපත් කර තිබු අයදුම්පත් 40 කට අධික සංඛ්‍යාවක් අතරින්, මුලික වශයෙන් විශ්වවිද්‍යාල සිසු සිසුවියන්ගෙන් සමන්විත කණ්ඩායම් හයක් තෝරාගන්නා ලදී.
මාස 6 කට අධික කාලයක් පුරාවට විවිධ අධ්‍යයන සහ ආයතනික පසුබිම්වලින් සමන්විත කෘත්‍රිම බුද්ධිය සහ යන්ත්‍ර ආශ්‍රිත ඉගෙනුම් පිළිබඳ ගෝලීය විශේෂඥයන්ගේ හා උපදේශකයන්ගේ මඟ පෙන්වීම මෙම කණ්ඩායම් වෙත හිමිවීම ද සුවිශේෂි කරුණකි. මෙම වැඩසටහන අවසානයේදී කණ්ඩායම් විසින් නිර්මාණය කරන ලද අවම ශක්‍ය නිෂ්පාදනයන් (MVPs) IFS හි ප්‍රධාන අලෙවි නිලධාරී ඔලිවර් පිල්ගර්ස්ටෝෆර් සහ IFS Platform R&D හි ජ්‍යෙෂ්ඨ උප සභාපති ක්‍රිස් ඩිච්බර්න් ඇතුළු සම්භාවනීය අමුත්තන් වෙනුවෙන් ප්‍රදර්ශනය කිරීමට අවස්ථාව හිමිවිය.
මොරටුව විශ්වවිද්‍යාලීය විද්‍යාර්ථයීන්ගෙන් සැදුම්ලත් Data Dreamers කණ්ඩායම මෙහිදී ජයග්‍රාහී කණ්ඩායම බවට පත් වු අතර, ජයග්‍රාහී තිළිණ වශයෙන් රුපියල් මිලියන 1.5 කට අධික ත්‍යාගයක් දිනාගැනීමට සමත්විය. මෙම කණ්ඩායම තුළ සැලකිය යුතු කාන්තා නියෝජනයක් පැවති අතර ඔවුන්ගේ කාර්ය හැසිරවීමේ ගුණාත්මකභාවය ශ්‍රී ලංකාව පුරා සිටින කාන්තාවන්ට ආදර්ශයක් විය.අනුශුරතාව Team Model.Fit විසින් දිනාගත් අතර රුපියල් ලක්ෂ පහක මුදල් ත්‍යාගයක් සහ නොමිලේ මාස 06 පුරාවට Hatch හි සමාජිකත්වය ද හිමිවිය. Hatch හි ආරම්භ ව්‍යවසායික ව්‍යාපාරික ප්‍රජාව සමඟ සම්බන්ධවීමට මෙන්ම අනාගතය වෙනුවෙන් හරවත් දැනුම පද්ධතියක් නිර්මාණය කරගැනීමට ද මෙම කණ්ඩායමයට මෙම සමාජිකත්වය හරහා අවස්ථාව හිමිවේ.
Hatch සහ IFS සහයෝගීතාවයේ මුලික අරමුණ බවට පත්වුයේ විවෘත නවෝත්පාදනයන් හරහා ශ්‍රී ලංකාවේ තාක්ෂණික කර්මාන්තයේ වර්ධනය වේගවත් කිරිම සඳහා වන සෘජු ගෝලීය විසඳුම් නිර්මාණය කිරීමට මෙරට තරුණ ප්‍රජාව දිරිගැන්වීමයි.
Hatch පිළිබඳව
2018 වසරේ දී බ්‍රින්දා සෙල්වදොරේ, ජීවන් ඥානම් සහ නාදන් සිවගනාදන් විසින් ආරම්භ කරන ලද Hatch ආයතනය ශ්‍රී ලංකාවේ සම්මානලාභී සම වැඩකිරීමේ අවකාශයක් හා ආරම්භ ව්‍යවසායක ව්‍යාපාරික Incubator සමඟින් කොළඹ කොටුවේ ප්‍රධාන කාර්යාලය ස්ථාපනය කර තිබේ. ආරම්භක ප්‍රජාවේ සමාජික සමාජිකාවන් 800 පමණ අන්තර්ගත වේ. Hatch විසින් රැකියා අවස්ථා 500 කට අධික ප්‍රමාණයක් බිහිකරමින් ආරම්භක ව්‍යවසායක ව්‍යාපාර 130කට අධික සංඛ්‍යාවක් සාර්ථකව පූර්ව ලියාපදිංචි උදෙසා යොමුකර ඇත. Hatch විසින් නිවැරදි අරමුණු මත පදනම් වු නවෝත්පාදකයන් බලගන්වමින් ශක්තිමත් ආර්ථික දැක්මක් සහිතව මෙරට ආරම්භක ව්‍යවසායක ව්‍යාපාරයන් ජාත්‍යන්තර වෙත රැගෙනයෑමේ පුළුල් මෙහෙවරක නිරත වනු ලබයි.
IFS පිළිබඳව
එංගලන්තයේ ලන්ඩන් නුවර කේන්ද්‍ර කරගත් බහුජාතික ව්‍යවසාය මෘදුකාංග සමාගමක් වන IFS ආයතනය ශ්‍රී ලංකාව තුළ මෙහෙයුම් දියත්කර වසර 25 විශ්වාසනීයත්වය දිනාගෙන තිබේ. මෙම සංවත්සරයට සමගාමීව මෙරට තාක්ෂණික ක්ෂේත්‍රයේ ආයෝජන වෙත ප්‍රවිශිෂ්ට වී ඇත. ලොව වීශාලතම තොරතුරු තාක්ෂණික සමාගමක් ලෙස දේශීය තාක්ෂණික කර්මාන්තයේ සංවර්ධන වෙනුවෙන් හා තාක්ෂණික කර්මාන්තය වෙනුවෙන් මෙරට තරුණ ප්‍රජාවගේ දායකත්වය ඉහළ නැංවීමට කටයුතු කර තිබේ.