Toyota Lanka (Pvt) Ltd, යනු ජපානයේ Toyota Group මෝටර් රථ සමාගමේ ශ්‍රි ලංකාවේ බලයත් අලෙවි සමාගම වන අතර ජපානයේ Toyota Tsusho Corporation (TTC) හි පූර්ණ අනුබද්ධිත ආයතනයක් ද වේ. ටොයොටා රථවාහන වලට අදාළ සියලුම සේවාවන් එකම වහලක් යටින් ලබා දීමේ අරමුණින් Toyota Lanka නවතම සේවා මධ්‍යස්ථානය පසුගියදා අනුරාධපුරයේ ස්ථාපිත කරනු ලැබීය. මෙම අවස්ථාවට Toyota Lanka හි කළමනාකාර අධ්‍යක්ෂ / ප්‍රධාන විධායක නිලධාරී මනෝහර අතුකෝරල මහතා සහ Toyota Lanka හි නිලධාරීන් ද එක්ව සිටි අතර Toyota Lanka හි සභාපති Sachio Yotsukura විසින් මෙම අනුරාධපුර Toyota Lanka ශාඛාව විවෘත කරන ලදී.
මේ පිළිබඳව අදහස් දක්වමින් Toyota Lanka හි සභාපති Sachio Yotsukura මහතා මෙසේ පැවසුවේය. “Toyota Lanka දශක ගණනාවක් පටන් ශ්‍රී ලංකාවේ රථ වාහන ක්ෂේත්‍රය තුළ ඉහළ විශ්වාසයක් ගොඩනගා ගෙන තියෙනවා. මේ විශ්වාසය තවත් වැඩි කරමින් අපගේ වටිනා ගනුදෙනුකරුවන්ට විශිෂ්ට සේවාවක් සැපයීමේ අරමුණින් අපගේ සේවා පරාසය පුළුල් කිරීමට අපි නිරන්තරයෙන් උත්සාහ කරනවා. ඒවගේම වත්තල Toyota Lanka ප්‍රධාන කාර්යාලයේදී ඔබ අත්විඳින ගුණාත්මක භාවය සහ අද්විතීය සේවාව සමඟින් අපගේ නව ස්ථානයේදී ද මෙවැනි ඉහළ ගුණාත්මක සේවාවක් ලබා දීමට අපි සුදානමින් සිටිනවා.”
2010 දී Toyota Lanka සමාගම සිය අමතර කොටස් ශාඛාව අනුරාධපුර නගරයේ විවෘත කළ අතර මෙම වසරේදී හදුන්වාදුන් නවීන සේවා මධ්‍යස්ථානය සමගින් ගණුදෙනුකරුවන්ට වගකීමක් සහිතව Toyota රථ වාහන සේවාවන්, අලුත්වැඩියා ඇතුළු වාහන බඳ පින්තාරු සේවාවන් එක වහලක් යටදී ලබා දේ.
Toyota Lanka හි කළමනාකාර අධ්‍යක්ෂ / ප්‍රධාන විධායක නිලධාරී මනෝහර අතුකෝරල මහතා වැඩිදුරටත් මෙසේ පැවසීය.“ශ්‍රී ලංකාවේ උතුරු-මැද පළාත විශේෂයෙන් සංචාරක හා කර්මාන්ත කෙරෙහි අවධානය යොමු කරමින් වේගයෙන් සංවර්ධනය වෙමින් පවතිනවා.අපගේ ගනුදෙනුකරුවන්ට කාලයත් ,ශ්‍රමයත්,මුදල් ඉතිරි කර කොළඹට නොපැමිණ ඔවුන්ගේ නගරයේදීම Toyota Lanka වෙතින් මෙම සේවාවන් ලබා ගන්න පුළුවන්”
තවද Toyota Lanka නව සේවා මධ්‍යස්ථානය මගින් අදාළ ප්‍රදේශයේ ජනතාවට නව රැකියා අවස්ථා, පුහුණු අවස්ථා සහ තරුණ තරුණියන්ට ඔවුන්ගේ කුසලතා වැඩි දියුණු කර ගැනීමට ද අවස්ථාව ලබා දෙනු ඇත.
අනුරාධපුරයේ Toyota Lanka ශාඛාව අති නවීන උපකරණවලින් සමන්විත වන අතර Toyota පරිශීලකයින්ට නවමු අත්දැකීමක් ලබා දීම සඳහා Toyota ජාත්‍යන්තර ප්‍රමිතීන් යටතේ සංවර්ධනය කර තිබීමද විශේෂත්වයකි. මෙම පහසුකම Toyota විසින් තිරසාර ව්‍යාපාරික මෙහෙයුම් දැක්ම සමඟින් පරිසර හිතකාමී මාර්ගෝපදේශ යටතේ ඉදිකර ඇත. එමෙන්ම Toyota පුහුණු සේවා ඉංජිනේරුවන් සහ කාර්මික ශිල්පීන් ගේ සේවා සැපයීමේ ගුණාත්මක බව සමගින් වාහන බඳ පින්තාරු කිරීමේදී ඉක්මනින් වියළීම සඳහා අධෝරක්ත හීටර්,උසස් වෙල්ඩින් යන්ත්‍ර සහ Toyota වාහනවල වැඩ කිරීමට විශේෂයෙන් ආනයනය කරන ලද තීන්ත පද්ධති වලින් සමන්විත වීම විශේෂත්වයකි.
දැන් Toyota Lanka කොළඹ පමණක් නොව දිවයින පුරා සියලුම ප්‍රධාන නගරවල සිය පැවැත්ම තහවුරු කර ඇති අතර, වත්තල, මහරගම, රත්මලාන, මීගමුව, හයිඩ්පාක් කෝනර්, රත්නපුර,මහනුවර, මාතර, අම්පාර සහ අනුරාධපුර යන ප්‍රදේශයන්හි පිහිටි Toyota Lanka සේවා මධ්‍යස්ථාන හරහා අලෙවියෙන් පසු සේවාවන් ලබා ගැනීමේ පහසුවද සලසා දෙයි.
වැඩි විස්තර දැනගැනීම සඳහා අනුරාධපුර නුවර පාර, මාතලේ හන්දියේ ඇති නවතම සේවා මධ්‍යස්ථානයට පිවිසිය හැකිය. නැතහොත් 025 2 226 750 අමතන්න.