Groundworth (Pvt) Ltd நிறுவனம், ஹோமாகமவில் அமைந்துள்ள ‘Legado by Groundworth’ எனும் பிரத்தியேக காணி மேம்பாட்டுத் திட்டத்தை பெருமையுடன் அறிமுகப்படுத்தியுள்ளது. மேல் மாகாண பெருநகர அபிவிருத்தித் திட்டத்தின் கீழ் ஒரு முக்கிய பொருளாதார மையமாக உருவெடுத்து வரும் ஹோமாகமவில் இந்தத் திட்டம் அமைந்துள்ளமை குறிப்பிடத்தக்கது. Legado ஆனது, மூலோபாய ரீதியான அமைவிடம், தொடர்புபடுத்தும் இணைப்புகளுக்கான வசதிகள் மற்றும் நீண்டகால மதிப்பு ஆகியவற்றை ஒன்றாக கலந்து வழங்குகிறது. இது இன்றைய தேவையை மட்டுமல்லாது வருங்கால சந்ததியினரையும் கருத்திற் கொண்டு வடிவமைக்கப்பட்டுள்ளதுடன், குடும்பங்கள், தொழில் வல்லுநர்கள் மற்றும் தொலைநோக்கு சிந்தனை கொண்ட முதலீட்டாளர்களுக்கு ஏற்றதாக அமைகிறது.
கொட்டாவ அதிவேக நெடுஞ்சாலை நுழைவாயிலிலிருந்து 4.5 கி.மீ. தொலைவிலும், ஹோமாகம சந்தியிலிருந்து 3 கி.மீ. தொலைவிலும் அமைந்துள்ள Legado திட்டத்தின் மூலோபாய அமைவிடமானது, ஹைலெவல் வீதி மற்றும் தெற்கு அதிவேக நெடுஞ்சாலை ஊடாக கொழும்புடன் சிறந்த இணைப்பை ஏற்படுத்துகிறது. தியகம வீதியிலிருந்து வெறுமனே 400 மீற்றர் தொலைவில் அமைந்துள்ளதன் காரணமாக, இந்தத் திட்டமானது, இலகுவான அணுகல் வசதியை உறுதி செய்யும் அதேவேளை, தனிப்பட்ட மற்றும் பிரத்தியேகமான சூழலையும் பேணுகிறது. மெடிஹெல்ப் வைத்தியசாலை (3 கி.மீ.), ஆதார வைத்தியசாலை (4 கி.மீ.), 1 கி.மீ. சுற்றளவிற்குள் அமைந்துள்ள முன்னணி சர்வதேச மற்றும் அரச பாடசாலைகள், கார்கில்ஸ் புட்சிட்டி, பல்வேறு உணவகங்கள் என அருகாமையில் பல்வேறு அத்தியாவசிய உட்கட்டமைப்பு மற்றும் வாழ்க்கைக்கு ஏற்ற வசதிகளால் இப்பிரதேசதம் சூழ்ந்துள்ளன.
நீண்டகால முதலீடு அல்லது குடியிருப்புத் தேவைகளுக்காக தலா 10 பேர்ச்சஸ் அளவைக் கொண்ட எட்டு காணித் துண்டுகளை Legado வழங்குகிறது. இத்திட்டத்தின் தனித்துவமான ‘முதல் தர வகுப்பு பிம்சவிய’ (1st Class Bimsawiya) உறுதிப்பத்திரங்கள், கொள்வனவாளர்களுக்கு மேலதிக பாதுகாப்பையும் நம்பிக்கையும் வழங்குகின்றன. ஒரு பேர்ச் ரூ. 12 லட்சம் முதல் ஆரம்பமாகின்ற விலையில், அதிக வளர்ச்சிக்கான சாத்தியமுள்ள மற்றும் பெறுமதி அதிகரிக்கக்கூடிய ஒரு இடத்தில் சிறந்த காணி ஒன்றை சொந்தமாக்கிக் கொள்வதற்கான ஒரு தனித்துவமான வாய்ப்பை இத்திட்டம் வழங்குகிறது.
இந்த அறிமுகம் குறித்து Groundworth நிறுவனத்தின் இணை ஸ்தாபகர், கசுன் அந்திரஹேன்னதி கருத்துத் தெரிவிக்கையில், “காணி என்பது வெறுமனே ஒரு கொடுக்கல் வாங்கல் மட்டுமல்ல, அது நிதி மற்றும் உணர்வு ரீதியான மதிப்பைக் கொண்ட நீண்டகால சொத்து என்ற எமது நம்பிக்கையை Legado மூலம் பிரதிபலிக்கிறது. மேல் மாகாண பெருநகர திட்டத்தின் கீழ் ஹோமாகம நகரம் மிக வேகமாக வளர்ச்சியடைந்து வருவதால், எமது வாடிக்கையாளர்களுக்கு எதிர்காலத்திற்கான ஒரு பாரம்பரிய சொத்தை வழங்கும் அதேவேளை, நிலைபேறான வளர்ச்சியை உறுதிப்படுத்தும் ஒரு இடத்தில் முதலீடு செய்யும் வாய்ப்பையும் இந்தத் திட்டம் வழங்குகிறது.” என்றார்.
விரிவான நகர திட்டமிடல், உட்கட்டமைப்பு மேம்பாடு மற்றும் அதிகரிக்கும் பொருளாதாரச் செயற்பாடுகள் காரணமாக ஹோமாகமவில் காணிகளின் பெறுமதி தொடர்ச்சியாக அதிகரித்து வருவதுடன், அதன் கேள்வியும் அதிகரித்து வருகின்றது. இந்த வேகத்தைப் பயன்படுத்தி, பிரத்தியேகத் தன்மை மற்றும் முதலீட்டுச் சாத்தியக்கூறுகளுக்கு இடையே ஒரு சமநிலையை ஏற்படுத்தும் வகையில் Legado திட்டத்தின் இந்த வரையறுக்கப்பட்ட தெரிவுகள் வடிவமைக்கப்பட்டுள்ளன.
தற்போது காணிகளை நேரில் பார்வையிடுவதற்கான வாய்ப்பு ஏற்படுத்தபட்டுள்ளது.
END