ඩේවිඩ් පීරිස් සමූහ ව්යාපාරයේ මෝටර් වාහන අලෙවි අංශය වන ඩේවිඩ් පීරිස් ඔටෝමොබයිල්ස් (DPA), ශ්රී ලංකාවේ GWM සහ BAIC රථවාහන මාදිලි සඳහා විශේෂිත ලීසිං විසඳුම් හඳුන්වා දීම වෙනුවෙන් කොමර්ෂල් බැංකුව සමඟ උපායමාර්ගික හවුල්කාරිත්වයකට එළඹ ඇත. ශ්රී ලංකාවේ වර්ධනය වන මෝටර් රථ වෙළඳපොළ තුළ පාරිභෝගිකයන්ට ඉහළ වටිනාකමක්, පහසුවක් සහ ප්රවේශයක් ලබා දීම මෙම සහයෝගීතාවයේ මූලික අරමුණයි.
මෙම හවුල්කාරිත්වය යටතේ ඩේවිඩ් පීරිස් ඔටෝමොබයිල්ස් විසින් අලෙවි කරනු ලබන GWM සහ BAIC රථවාහන සඳහා නම්යශීලී සහ සහනදායී ලීසිං පහසුකම් හිමිවේ. ඒ අනුව, තෝරාගත් රථවාහන මාදිලි මිලදී ගැනීම සඳහා කොමර්ෂල් බැංකුවේ දිවයින පුරා විහිදුණු ශාඛා ජාලය හරහා මූල්ය පහසුකම් සපයනු ඇත. ආකර්ෂණීය පොලී අනුපාත, ලේඛන ගාස්තු සඳහා සහන සහ පළමු වසරේ වාර්ෂික ගාස්තුව නිදහස් කළ නොමිලේ හිමිවන ක්රෙඩිට් කාඩ්පතක් ද පාරිභෝගිකයන්ට මෙහිදී හිමිවේ. මීට අමතරව, පාරිභෝගිකයාගේ ආදායම් රටාවට අනුව ගෙවීමේ කාලසටහන් සකස් කර ගැනීමට ඇති හැකියාව නිසා මූල්ය කළමනාකරණය වඩාත් පහසු වේ.
BAIC X55, BAIC BJ30 සහ BAIC BJ40 ඇතුළු BAIC මාදිලි මෙන්ම, Haval H6 HEV, H6 PHEV, H6 GT PHEV, TANK 300 HEV, TANK 500 HEV සහ ORA විද්යුත් වාහන ඇතුළු GWM මාදිලි ද ඩේවිඩ් පීරිස් ඔටෝමොබයිල්ස් විසින් මෙරටට හඳුන්වා දෙයි. මෙම මූල්ය සහනවලට අමතරව නොමිලේ වාහන ලියාපදිංචිය සහ සේවා වාර දෙකක් (Labour-free services) සදහා වැඩ කුලී නොමිලේ ලබා දීමටද සමාගම පියවර ගෙන ඇත.
මෙම රථවාහන සඳහා නිෂ්පාදකයා විසින් සහතික කරන ලද පුළුල් වගකීම් කාලයක් ද හිමිවේ. GWM හයිබ්රිඩ් සහ ප්ලග්-ඉන් හයිබ්රිඩ් (PHEV) රථ සඳහා මාදිලිය අනුව වසර 6ක් හෝ කිලෝමීටර් 200,000ක් දක්වා එන්ජින් වගකීමක් සහ වසර 8ක් හෝ කිලෝමීටර් 160,000ක් දක්වා බැටරි වගකීමක් හිමිවේ. BAIC මාදිලි සඳහා වසර 3ක් හෝ කිලෝමීටර් 100,000ක එන්ජින් වගකීමක් හිමිවේ.
ඇමරිකානු ඩොලර් බිලියන 1 ඉක්මවූ වෙළඳපොළ ප්රාග්ධනීකරණයක් අත්කරගත් පළමු ශ්රී ලාංකේය බැංකුව වන කොමර්ෂල් බැංකුව, ලොව විශිෂ්ටතම බැංකු 1000 (Top 1000 Banks of the World) අතරට ඇතුළත් වූ මෙරට පළමු බැංකුව ද වේ. එමෙන්ම එය මෙරට විශාලතම පුද්ගලික අංශයේ ණය දෙන්නා වන අතර, සුළු හා මධ්ය පරිමාණ (SME) අංශයට වැඩිම දායකත්වයක් සපයන බැංකුව ද වේ.
මෙම විශේෂ ප්රවර්ධන වැඩසටහන 2027 ජනවාරි 30 දක්වා ක්රියාත්මක වන අතර, රථවාහන හිමිකාරිත්වයේදී මූල්යමය නම්යශීලීභාවයක් අපේක්ෂා කරන පාරිභෝගිකයන්ට මෙය මහඟු අවස්ථාවකි.
වැඩි විස්තර සඳහා 0114700678 (ඩේවිඩ් පීරිස් ඔටෝමොබයිල්ස්) හෝ 0112353353 (කොමර්ෂල් බැංකුව) අමතන්න.
ඡායාරූප සටහන-
ඩේවිඩ් පීරිස් ඔටෝමොබයිල්ස් අලෙවි සාමාන්යාධිකාරී යසන්ත අබේකෝන් මහතා සහ කොමර්ෂල් බැංකුවේ පුද්ගලික බැංකු අංශයේ සහකාර සාමාන්යාධිකාරී කපිල ලියනගේ මහතා ගිවිසුම් හුවමාරු කරගත් අවස්ථාව. DPA සහ කොමර්ෂල් බැංකුවේ නිලධාරීන් ද මෙහි සිටිති.